ଚଳିତବର୍ଷ ଖରିଫ ଋତୁରେ ନିମ୍ନ ଇନ୍ଦ୍ର ଜଳସେଚନ ପ୍ରକଳ୍ପ ବାମ ପାର୍ଶ୍ଵ ମୁଖ୍ୟ କେନାଲ ଖୋଲିଲା l

ନୂଆପଡ଼ା, ୭/୭:(ସମ୍ବାଦ ଓଡ଼ିଶା)ଚଳିତବର୍ଷ ଖରିଫ ଋତୁରେ ଜଳସେଚନ ପାଇଁ ନିମ୍ନ ଇନ୍ଦ୍ର ଜଳସେଚନ ପ୍ରକଳ୍ପ ତରଫରୁ ଆଜି ବିଧିବଦ୍ଧ ପୂଜାର୍ଚ୍ଚନା ପରେ ବାମ ପାର୍ଶ୍ଵ ମୁଖ୍ୟ କେନାଲ ରେ ସକାଳ ୮.୦୦ ଘଟିକା ସମୟରେ ଜଳ ଛଡାଯାଇଆଛି । ଏହି କାର୍ଯ୍ୟକ୍ରମ ରେ ଅଧିକ୍ଷଣ ଯନ୍ତ୍ରୀ କେନାଲ ବିଭାଜନ ଖଡ଼ିଆଳ, ସୌମ୍ୟ କିଶୋର ଜୟପୁରୀୟା, ସମସ୍ତ ସହକାରୀ ନିର୍ବାହୀ ଯନ୍ତ୍ରୀ, ସଂପୃକ୍ତ ସମସ୍ତ ଯନ୍ତ୍ରୀ , ମାଁ ରକ୍ତାମ୍ବରି ଡିଷ୍ଟ୍ରିବୁଟାରି କମିଟି ସଭାପତି ମନୋଜ ପଟ୍ଟନାୟକ, ସମ୍ପାଦକ ଦୁଷ୍ମନ୍ତ ବେହେରା, ଭୂପେନ୍ଦ୍ର ମହାରଥୀ ତଥା ଅନ୍ୟ ମାନଙ୍କ ଉପସ୍ଥିତି ରେ ବାମ ପାର୍ଶ୍ଵ ମୁଖ୍ୟ କେନାଲର ଫାଟକ ଖୋଲାଯାଇ ଜଳଯୋଗାଣ ଆରମ୍ଭ କରାଯାଇଥିଲା । ଏହି ଜଳଯୋଗାଣ ନଭେମ୍ବର ପ୍ରଥମ ସପ୍ତାହ ପର୍ଯ୍ୟନ୍ତ ଉପଲବ୍ଧ ହେବ ବୋଲି ଜଣାପଡିଛି ।